احمدالمنسي فريق
النوع : عدد المساهمات : 472 نقاط : 615076 السٌّمعَة : 200 تاريخ التسجيل : 25/01/2011
| موضوع: ازاي تخلي موقع 4Shared يدعم الاستكمال فعلياً - وانك تكون زي البريميوم السبت أكتوبر 11, 2014 11:08 am | |
| موقع فور شيرد من الموقع المميزة في استضافة الملفات على مستوى العالم ، وتقريباً يعتبر تاني افضل موقع والموقع بعد تحديثاته الاخيرة في 2012 ، فهو بيعطيك حاصية دعم استكمال التحميل ، لكن للاسف الخاصية دي وهمية ، لانها بتكون لحظية ،، يعني دعم الاستكمال هيكون لو الملف توقف عن التحميل لمدة دقيقة او دقيقتين ، انما لو الكهرباء قطعت ورجعت بعد ساعة ، او انت قررت تكمل تحميل الملف بعد يوم او يومين هتلاقي ان الملف مش راضي يستكمل التحميل وهيبدأ من الأول، ويا سلام لو كان الملف اللي بتحمله حجمه بتاع 2 جيجا او 10 جيجا ، بتكون الصدمة شديدة ومعانا هنا ان شاء الله طريقتين لحل هذه المشكلة ، وانك تخلي الملف يدعم الاستكمال وكلها بطرق قانونية 100% ..
الطريقة الاولى : بواسطة برنـــامج IDM وهذه الطريقة سنلجأ لها في حالة لو توقف تحميلك بدون سبب .. طبعا البــرنـامج تقريبا عند الناس كلها ، والشرح هيكون كالآتي : -
1 - أول ما تلاقي التحميل واقف ومش راضي يكمل ، اعمل ايقاف تحميل للملف من الادوات ومتقلقش ..
2 - روح افتح الصفحة بتاعت تحميل الملف من 4Shared واعمل معاها كأنك لسه رايح تحمل الملف من جديد [ طبعاً انت هتكون مسجل دخول بحسابك المجاني ]
3 - أول ما مدة العشرين ثانية تنتهي ، روح على رابط التحميل ، ودوس كلكة يمين على كلمة Download File اللي في الموقع ، واختار [ انسخ مكان الوصلة ] اللي هيا في المتصفحات الانجليزي اسمها Copy Link Address او Copy Link Location ..
4 - طبعا هيطلعلك نافذة تحميل جديدة للملف من الاول ، سيبك منها واعمل الغاء ..
5 - روح على بــرنــامج الداونلود مانجر IDM وافتح النافذة بتاعته ، ودور على الملف اللي كنت بتحمله ، ودوس عليه كلكتين بالماوس ، لحد ما يطلعلك نافذة الملف الخاصة به
6 - روح على خانة العنوان او Address وامسح اللي فيها كله ،، واعمل فيها Paste ...
7 - دوس على كلمة [حسنا] أو [OK] حسب لغة البرنـامــج
8 - دوس كلكة يمين على الملف بقى ، واختار استئناف التحميل - او Resume Downloading
9 - مبروك يامعلم
10 - نؤكد على ان هذه الطريقة قانونية جداً ، ولا يوجد بها اي تحايل الطريقة الثانية : عن طريق خدمة 4Server وده عبارة عن موقع مجاني مفتوح المصدر ، وقانوني ، وواخد تصريح من الشركة نفسها ، وهو بيقدم دعم مدفوع لبعض الحسابات المجانية ، لكن بشروط خدمة قانونية ،، المهم انت هتدخل على الموقع [من هنا] وطبعاً الفكرة من الموقع ، انه هيعطيك رابط قوي ويدعم الاستكمال من الاول ( حتى لو انت مش مسجل في الموقع ) ، وهذه الطريقة ستلجأ لها لو انك تريد رابط سريع من الاول مثل رابط الـخدمات المدفوعة
1 - بعد دخولك على موقع الخدمة ـ هتلاقي مربع فارغ في وشك علطول ، انسخ فيه رابط الملف الاصلي في 4Shared .. بس يكون الرابط كامل
2 - دوس كلمه SubMit
3 - هيحولك بصفحة جديدة ، وهتلاقي فيها سطر مكتوب فيه Click ...... To download - وفيها اسم الملف ،، دوس على اسم الملف ، وهيبدأ التحميل ، وكده تمام
4 - مبروك عليك
5 - ملحوظة : ممكن تستخدم الطريقة دي زي الطريقة اللي فاتت ، وانك تنسخ الرابط في الـ IDM بردو ، في خالة لو ان كان عندك ملف واقف عن التحميل وعاوزه يرجع يستكمل
تنصح ادارة الموقع المستخدمين بالتعامل مع النسخ الاصلية للبــرامج المختلفة ، وعدم الاعتماد على النسخ المسـروقة او التي يوجد بها انتهــاكات لحقوق الملكية الفكرية ، وكذلك مراعاة قوانين DMCA واستخدامات رخص المشاع الابداعي
|
|
محمد مفتى محمد لواء
النوع : عدد المساهمات : 730 نقاط : 372391 السٌّمعَة : 1180 تاريخ التسجيل : 23/03/2014 اسيوط
| موضوع: رد: ازاي تخلي موقع 4Shared يدعم الاستكمال فعلياً - وانك تكون زي البريميوم السبت أكتوبر 11, 2014 10:37 pm | |
| انا اعرف الطريقة بتاعة الداونلود مانجر لاكن معرفش الطريقة التانية |
|
احمدالمنسي فريق
النوع : عدد المساهمات : 472 نقاط : 615076 السٌّمعَة : 200 تاريخ التسجيل : 25/01/2011
| موضوع: رد: ازاي تخلي موقع 4Shared يدعم الاستكمال فعلياً - وانك تكون زي البريميوم الأحد أكتوبر 12, 2014 10:14 am | |
| فيه طرق كتيرة غير اللي قلتهم ، لكن بسبب قوانين النشرفي الموقع مش هعرف أقولها |
|