السبب الرئيسى لحل مشكلة التعرف على الصور يرجى التحقق من هويتك
ان الاكونت بيكون مشبوه يعنى فيه كذا حد اخد الاسم بتاعك واستخدمه على الفيس بوك
وكمان بيكون فى كذا طريقة الفيس بوك بيشك فيها فى الاكونت بتاعك وبيلجئ ان الحساب بتاعك مشبوه ولازم تتعرف على صور او منشورات الاصداقاء الموجودة على شكل صورة واسمائهم الموجود اسفل الصور
طبعا بيبقى من الصعب انك تعرف صور المنشورات تخص انهى صديق بالظبط طيب ايه السبب فى ان الاكونت بيحصلة كده
ان لما تعمل حذف جميع الملفات الكوكيز المخزنه فى المتصفح او الـ History كل الملفات لما بتحذفها الفيس بوك بيبتدى يشك فيك ولما تفتح الاكونت هتلاقى ان الفيس بوك قفل الحساب وبيقولك يرجى التحقق من هويتك
طيب حل المشكلة دى انك تعمل اكونتات احتياطية للحساب الشخصى بتاعك بمعنى تعمل على الاقل 2 اكونت للحساب بتاعك وتربط الاصدقاء بتوعك بيهم
يعنى انك تبعت لكل الاصدقاء بتوعك الموجدين على الفيس بوك تعمل عليهم اقتراح طلب صداقة من الحساب الثانى وتفهمهم ان ده حساب احتياطى علشان لو لقدر الله حصل للاكونت حاجة
انا فتحت اثنين اكونت بالطريقة دى بس هيا مملة شوية ومتعبه وفى نفس الوقت هتعرف تفتح الاكونت تانى
الحل انك بعد ما تبعت طلبات صداقة للاصدقاء بتوعك الموجدين فى الحساب الشخصى وحصل ان الاكونت الشخصى اتقفل
هتروح على صور الاصدقاء بتوعك من الاكونت بتاعك الاحتياطى وتبتدى تتعرف على صور الاصدقاء اللى بيكون ليهم اسماء اسفل الصورة المقترحة من قبل الفيس بوك
وتحاول تتواصل معاهم بمعنى لو الاصدقاء دول قريبين منك تقتدر تستعين بيهم فى الحالة دى ولما يجيب صورة من الصورة تقدر تعملها سكرين شوت وتبعتها لصديقك من الاكونت الاحتياطى وتكلمة وتقوله ان الصورة دى هل هيا تخص الاكونت بتاعوا او هو نشرها على الصفحة بتاعته ولا ولا
وبكده هتلاقى حل انا جربتة شخصياً على اثنين حساب ومن ضمنهم الحساب الشخصي بتاعى امس وابتديت اتعرف على صورة الاصدقاء وتم التأكد من كل الهويات وتم التحقق من الصور وتم تفعيل الحساب وتشغيله
وطريقة كمان انك تقدر تتعرف على الصور لما تدخل الحساب الخاص بالاسماء الموجودة اسفل الصورة المقترحة وتخش عنده على الفيس وتدوس على كلمة صور الموجودة بجانب اليوميات وبعد كده هتشوف الصورة موجوده عنده او لا وبكده المشكلة بتتحل ومن خلالها الاكونت بتاعك هيتم تشغيلة بعد اختيار اسماء الاصدقاء بالصور بتاعتهم بشكل صحيح
ده كان موضوع انهرضه عن حل مشكلة التعرف على الصور على الفيس بوك وتخطى مرحلة يرجئ التحقق من هويتك
موضوع: حل مشكلة التعرف على الصور والتحقق من هويتك 
الأربعاء يونيو 18, 2014 3:17 pm
