من فضلكو يا جماعة انا عندى البينج بتاع لعبة

Mohaa

عااااااااااااااااااااااااااالى جدا واصل اقل حاجة 500 و اعلى حاجة 700 عاوزو يبقى قليل ازاى بليز عاوز الرد بسرعة

بص

إعمل سكان لجهازك لإن الفيروسات بتعلي البينج

وبعدين متبقاش تحمل او اي حاجة بتستخدم النت جنب ميدل

وحاول تلعب في سيرفرات قريبة منك البينج فيها قليل

وحاول تلعب في الوقت اللي مفيش حد فية داخل في الشبكة

بص دية كلها حلول جانبية يعني مش اساسية هو الاساس سرعة النت يعني لو النت عندك 512 هتبقي شغالة معاك تمامووووز

أتمني اني اكون قدرت اساعدك

تم كل اللى قلت عليه و لسا البنج عالى ارجوكو شفولى حل تانى

بص دي مشكله مش عندك انتا بس عند معظم الناس في السنترال عجز في الباندوديث بيظهر اثناء ساعات الذروه
( لان كل المشتركين يبقوا شغالين عادة )

وللاسف بقي منتشر في سنترالات كتيره وبيظهر علي شكلين
الاول: ارتفاع في البنج بشكل ملحوظ اكتر من 100ms عن الطبيعي .
التاني: بطئ في سرعة الدونلود خصوصا السرعات العالية زي ال 1 ميجا
(تلاقي سرعة الدونلود في التوقيت ده متزيدش عن 60 ).

وللاسف في بعض الاحيان الشكلين بيبقوا موجودين في نفس الوقت .

السؤال دلوقتي هتعمل ايه ؟؟؟

هتتصل علي الشركه سواء Link او TE-DATA ساعة حدوث المشكلة وتبلغهم بيها .

عادة الحوار هيتم بالشكل ده:

العميل :في مشكله عندي بطء في التصفح والدونلود والبنج عالي .

الشركه: ثواني اعمل تشيك علي الخط .
عذرا علي التاخير ياريت تفتح الروتر معايا وتعمل كونفيجراشن للروتر ونتاكد من اليوزرنيم والباسورد .
(الكلام ده فعلا صحيح ياريت تتاكد من الاعدادات بتاع الروتر قبل ما تتصل عشان نتضيعش وقتك )

العميل :الروتر عمل ريستارت وثبت Adsl والخدمه دلوقتي شغالة .

الشركه :ياريت يافندم تتاكد ان مفيش عندك فيروسات او spyware وهتحاول تجرب معاك الدولنود من
موقع زي yahoo games

(ياريت فعلا تكون اتاكدت من مشكلة الفيروسات لان فعلا في كثير من الاحيان بتسبب بطئ )

العميل: ( لو فاهم كويس وعارف الكلام ): يافندم انا معنديش فيروسات
والمشكله دي بتحصل بالليل بس في وقت الذروه ومبتبقاش موجوده بالنهار معني
ذلك ان المشكله من الشركه مش من عندي .

الشركه: تمام يافندم ( ده لو كان صريح ومش حيلف بيك ويتكلم في حاجات
تانيه معظم العملاء ميعرفوهاش وهو ساعات لو اتكلم فيها مع واحد فاهم هيطلع
في حاجات صح وحاجات غلط المهم ) ثواني يا فندم هعمل شيك علي السنترال .

الشركه :في يا فندم مشكلة في السنترال وجاري حلها .

العميل : (المفروض يسال التالي )
مشكلة ايه يا فندم وهيتم حلهاامتي ؟ مشكلة في الباندويدث ؟

الشركه: مشكلة في السنترال ومفيش ميعاد محدد لحل المشكله يافندم اتصل بينا علي الاسبوع الجاي عشان تعرف اذا كان في جديد ولا لا.

خلصت المكالمة تقريبا وعرفت ان في مشكله في السنترال .
لو كان في ميعاد محدد لحل المشكله انتظر وامرك الي الله .
انما لو مفيش ميعاد محدد والمشكله كل يوم بتزيد وتنتظر اسبوعين شهر مفيش
جديد (ابدا ابحث عن بدائل منها انك تغير الشركه بعد ما تتاكد ان الشركه
التانيه مفيهاش مشاكل زي الاولي )

يارب لينك و تي داتا يشترو سرعات اكبر علشان المشكلة تتحل
دة الي اقدر اقولة

بوص يا فندم الموضوع معقد شوية انا مش معايا روتر انا موصل من روتر يعنى انا مش صاحب الروتر انا موصل منو بس

يبقى المشكله من حد مشترك معاك على نفس الشبكه بيحمل كتير او بيستخدم النت على السرعه كلها

او فى حل تانى انك تنزل برنامج خفض البنج هو موجود هنا على المنتدى ده هينقصلك البينج بطريقه سهله وانا مجربو قبل كدا وياريت اكون فيدتك

ايوة بس الرابط بتاعو بايظ