بسم الله الله الرحمن الرحيم

السلام عليكم ورحمة الله وبركاته


--------------------------------------

هكلمكم بصراحة
بصوا يا شباب أنا من الاخر كدا أدمنت اللعبة وحبيتها قوي
لدرجة ان كنت مبلعبش غيرها ف وقت فراغي

لكن مع الاسف اللعبة خلصت وانا قفلت التلات اجزاء
لكن من جوايا حاسس ان اكيد في حل
هقولكم ليه

1-Medal of Honor Allied Assault

معقولة تكون 6 اماكن بس وفي نفس الوقت جايب خريطة اوروبا بالكامل

صورة لاماكن اللعبة بعد اما قفلت


واخدين بالكم من الاماكن ال مكتوبة بخط رفيع جدا؟


2-Medal of Honor Allied Assault Breakthrough

معقولة لعبة ضخمة زي دي تقفل عند 3 اماكن بس



واخدين بالكم من المربعات ال مش موجود عليها مهمات؟

3-Medal of Honor Allied Assault Spearhead

دي بقى مفجأة تجنن فيها
اللعبة كلها عبارة عن مكان واحد ف خريطة كبيرة



شوفو معايا في مربعات موجودة في الخريطة ومش عليها مهمات!!!!!!!!

------------------------------------------------

سؤال عقلي مش لاقيله جواب طالما اللعبة جايبين فيها خرائط كبيرة.....ليه بكتفي بمكان واحد او3 او6 اماكن من الخريطة الضخمة؟
مع ان الواحد حاسس ان لو اللعبة ماشية بتقفيل الخريطة كانت هتبقى على الاقل 30مكان مش 6 ولا 3 او 1


_______________________________

حضراتكم زي اخواتي
انا ساكن في قرية صغيرة مفهاش نت دي اس ال
وشغال نت بمودم يو اس بي بيديني 125 ميجا يدوب بيقضوني تصفح وتنزيل حاجات صغيرة
ونهار مبشوف حاجة مساحتها كبيرة بروح المدينة لاي سيبر عشان انزلها

خلاصة الكلام مش بفتح اللعبة اون لاين ولا بعمل بيها اتصال بالنت اطلاقا

بلعبها على حسب ملفاتها الموجودة ف جهازي

سبق وان دخلت المنتدى الكريم ونزلت خرائط ومودات واضافات
مثال
انا نزلت الموضوع دا ونفذت كل ال فيه بالظبط

https://kingmohaa.alafdal.net/t667-topic

لكن مع الاسف ملاحظتش جديد فيه عندي على جهازي لان واضح انه اون لاين وانا مش بدخل اون لاين


_______________________

طلبي كالتالي
ياريت ياشباب تدلوني على المواضيع ال مش اون لاين ويكون فيها خرائط ومهمات جديدة للعبة بعد اما قفلت
لان بصراحة انا حبيت اللعبة دي قوي ومش عايزها تخلص
وعلى فكرة فيه مفجأة لصاحب احسن رد بإذن الله

مستني ردودكم وانا متابع الموضوع بشكل دوري

أسف صديقى العزيز
نحن لسنا من صنعنا لعبة ميدل بل شركة إى أيه جامس وشركة 2015
إحنا فقط نقوم بتنزيل المودات والإضافات
يمكنك تحميل مابات جديدة طبعاً مهمات تلعبها لوحدك وهى مهمات رائعة
تفضل

ماب فردى Castle Wewelsburg Single Playe



ماب فردى Christmas Assault Single Player map


ماب فردى Bastogne map Single Player


ودى مابات رائعة يمكنك لعبها وختمها
كما يمكنك التوجه ولعب بقية أجزاء لعبة
moh
غير جزء هجوم الحلفاء
aa
كجزء
Medal Of Honor Pacific Assault
Medal Of Honor Airborne
Medal Of Honor 2010
ولو عندكم تليفون أرضى حاول إنك توصل
adsl
عشان اللعب أون لين حلو أوى
كمان فيه مودات إنك تقدر تلاعب الكمبيوتر على النت
موجودة فى قسم الإضافات والمودات

وأنا زيك أيضا أنا أسكن فى قرية لكن عندنا نت
adsl
لكن بنوصل من حد تانى

حسام باشا الف مليون شكر
لكن مع الاسف الكونسل مش راضي يظهر

لما بفتح اللعبة بدوس حرف ذ وبرضو مش راضي يظهر

معلش هتقل عليك شوية بس استحملني ياباشا

سهلة روح إعدادات اللعبة
الفى الجنب إسمها
options
تقريباً كده
ولما تدخل روح أول حاجة فوق إتكا عليها
دور فى الجنب اليمين
كونسل مش متعلم عليها
علم عليها بأكس
ثم إضغط
apply

hosam200079 كتب:

سهلة روح إعدادات اللعبة
الفى الجنب إسمها
options
تقريباً كده
ولما تدخل روح أول حاجة فوق إتكا عليها
دور فى الجنب اليمين
كونسل مش متعلم عليها
علم عليها بأكس
ثم إضغط
apply

حسام باشا
تسلم اديك ال ساعدتني ورد
والله كتير عليا يانجم ال بتعمله معايا دا
لكن هقول ايه دا كلمة شكرا قليلة


كله تمام ياباشا والكونسل اشتغل

بصراحة ياريت تقولي نوع موبيلك ايه عشان اظبطلك ادوات من برامجي مش هتلاقيه عند حد غيري ولا ف اي منتدى ولا موقع
ودا يا سيدي هدية بسيطة جدا مني ليك

العفو وهو ده واجبى إنى أساعد الأعضاء والزوار
وهذه مواصفات موبيلى
نوع موبايلى هو
nokia asha 203
بيشتغل باللمس
شاشة
2.4 screen
لو تقول الادوات ده بيعمل إيه

hosam200079 كتب:

العفو وهو ده واجبى إنى أساعد الأعضاء والزوار
وهذه مواصفات موبيلى
نوع موبايلى هو
nokia asha 203
بيشتغل باللمس
شاشة
2.4 screen
لو تقول الادوات ده بيعمل إيه

ياباشا تسلم ايدك على المساعدة

اما بالنسبة لنوكيا آشا 203



فأنا مصمم ليها كزا pernameg

جاري الان رفع pernameg القران الكريم ليها قرأة فقط
ورفع pernameg ل ** البلتوث وال منه تقدر تخترق اي جهاز فاتح قدامك وتاخد من جهازه الملفات ال انت عايزها
دا غير انك ممكن كمان تمسح الملفات من على الجهاز ال قدامك كانه ف ايدك بالظبط وتشبع اصحابك مقالب ههههه
ودا غير كمان انه مشغل ميديا باسلوب ملوش حل (صوت وفيديو) وعارض للصور
وامتيازات تانية كتير اكتشفها بنفسك ههههه يابختك ياعم


يارب ينالوا اعجابك ويارب اكون انا كمان وفيت بوعدي ال كاتبه في الموضوع


وعموما اي استفسار انا تحت امرك
وميهمكش ف مجال الموبيل اي حاجة لان انا ولله الحمد مصمم prameg للموبيل

(على فكرة المنتدى بيكتب كلمة prameg ادوات وكلمة ** بيكتبها مطالب!!!!!)
ومش عارف بقى لو كتبت كلمة pernameg و ** بالانجلش صح هيطلعلي ايه هههههههههه

أوك ألف شكر ليك ياريت لو ترسلهم فى رسالة خاصة علشان المنتدى مبيقبلش الحاجات دى علشان إعلانات جوجل أدسنس
فإرسلهم فى رسالة خاصة بينى وبينك
وألف شكر وأنا مستنى

يا حسام انا بعهم

ياترى وصلو؟

لا لم يصلو
وشكرأ على الإهتمام

شكراً جزيلاً
لكن سأطر لحذف الرد علشان مخالف لإعلانات جوجل
فأنا أسف وقد تم التحميل وشكراً جزيلاً